Vakstrarforum búmerki

Endamálið við Vakstrarforum er at birta upp undir virðisøking í siðbundnu vinnunum og alternativum framtíðarvinnum í Føroyum á burðardyggari grund. Vakstrarforum er tíðaravmarkað til hálvt annað ár – tað skal virka frá februar 2021 til juni 2022, tá ið ítøkilig uppskot um virðisøking skulu vera komin burturúr. Stovnan av vakstrarforum er ásett í samgonguskjalinum.

Løgmansskrivstovan og Umhvørvis- og vinnumálaráðið samskipa arbeiðið.

Í Vakstrarforum sita:

• Bárður á Steig Nielsen, løgmaður

• Jørgen Niclasen, landsstýrismaður í fíggjarmálum

• Jenis av Rana, landsstýrismaður í uttanríkis- og mentamálum

• Helgi Abrahamsen, landsstýrismaður í umhvørvis- og vinnumálum

• Rúni M. Hansen, nevndarformaður í Tjaldur og Bakkafrost

• Marita Rasmussen, stjóri í Vinnuhúsinum

• Guðrið Højgaard, stjóri í Visit Faroe Islands

• Annika Sølvará, stjóri í Granskingarráðnum

• Bartal Dulavík, sølu- og marknaðarstjóri í Hordafor

• Rúnar Reistrup, stjóri í YunoJuno

• Eyðun Christiansen, stjóri í Kommunufelagnum

• Súni Selfoss, formaður í Starvsfelagnum og umboð fyri arbeiðstakarar

Les meira um Vastrarforum á www.lms.fo

Um búmerkið

• Búmerkið „Vakstrarforum“ merkir í stuttum vøkstur, burðardygd, búskaparlig uppreisn, realismu og virkishug.

• Bókstavurin V sipar til vøkstur.

• Bókstavurin er eisini eitt grasstráð og grøni liturin sipar til burðardygd.

• Sum avleiðing av koronukreppuni hevur føroyski búskapurin fingið eitt V-skap. Tí kann V’ið eisini sigast at umboða eina búskaparliga uppreisn

• Bókstavurin líkist eisini einum flugubeini, sum sipar til, at verkætlanin er jarðbundin, har úrslitið skal verða ítøkiligt og realistiskt.